ಮುಟ್ಟಲಾಗದು ತಬ್ಬಲಾಗದು

ಹುಡುಗಿ
ನಿನ್ನಹಂಕಾರದ ಜೊಲ್ಲು ನಾಯಿಗೆ
ಸಾಕಾಗಿದೆ ಮೂಳೆ
ಎಸೆದೆಸೆದು
ಕೆಲವೊಮ್ಮೆ
ಮುಗ್ಧವಾಗಿ ನನ್ನದೇ
ಕೈಬೆರಳು, ಎದೆಗೂಡಿನ
ಎಲುಬು ಮುರಿದು
ಮತ್ತೆ ಕೆಲವೊಮ್ಮೆ
ಅಲ್ಯುಮಿನಿಯಂ ಫಾಯಿಲ್
ಅವುಚಿದ ಬಿಕರಿಗಿಟ್ಟ
ಬೋನ್ ಪೀಸು
ನೀನೆಂದೆ
ನನಗೊಂದು
ರಮ್ಯ ಕವನ ಬರೆದುಕೊಡು
ಏಕಾಂತದಲ್ಲಿ
ನಿನ್ನೆದೆಗೊರಗಿರುವಾಗ
ಗಂಟಲು ತಲುಪದ
ಹೃದಯದ ಭಾಷೆಯಲ್ಲಿ
ಹಾಡಿಬಿಡು
ಗೊತ್ತಿಲ್ಲ ನಿನಗೆ
ಬೆತ್ತಲಾಗಿ ಬರುವ ನಿನ್ನೆದುರಿಸಲು
ನನ್ನ ಸೇನೆ ಸನ್ನದ್ಧ
ನೀಶೆ, ಫ್ರಾಯ್ಡು, ಪತಂಜಲಿ
ನಿಂತಲ್ಲಿ ಮುತ್ತು
ಕೊಡೆನ್ನುವೆ ನೀನು
ನೀನಂದುಕೊಂಡಷ್ಟು
ಜಾಣ ನಾನಲ್ಲ
ಸರಪಳಿ ಕಟ್ಟಿ ನನ್ನನೇ
ಜೀತವಾಗಿಸಿ
ಮೆರೆವ ಅರಸ ನಾನು
ಮೊಟ್ಟೆಯೊಡೆದು ಬೆಳಕಕೋಲು
ತೂರಿಸುವ ಕ್ರಾಂತಿಕಾರ ನಾನು
ನೀ ಎಗ್ಗಿಲ್ಲದೆ
ಈ ಎಲ್ಲರೊಡನೆ ಮಲಗಿದರೆ
ಸುಮ್ಮನಿರಲಾಗುವುದೇನು?
ನೀನೋಡುವ
ಎಲ್ಲ ಸಿನಿಮಗಳ ಹೀರೋ ನಾನೇ
ಕೇಳಿಲ್ಲಿ,
ಗೂಂಡಾಗಳನ್ನು ಬಡಿದು
ಜಿಂಕೆಯನ್ನು ಹಿಡಿದು
ಧರ್ಮವನ್ನೆತ್ತಿ
ನಿನಗೊಬ್ಬ ಹೀರೋ ಕೊಟ್ಟು
ನಿನ್ನಪಹರಿಸಿ ಕಾಡುವ
ವಿಲನ್ ನಾನು
ನಿನಗೂ ನಾಟಕ ಹಿಡಿಸಲೆಂದು
ಒಮ್ಮೆಮ್ಮೆ ಕ್ಲೈಮ್ಯಾಕ್ಸಿನಲ್ಲಿ
ಸಾಯುವೆನು
ಒಂದು ಮಾಡುತ್ತೇನೆ
ನಿನ್ನ ಅಂದೆ
ಯಮನ ಗೆಲ್ಲಬಹುದು ನೀನು
ನಿಜಕ್ಕೂ
ನಾನು ಸತ್ಯವಾನ್ ಆಗಲಿಕ್ಕೆ
ಸಾಧ್ಯವೇನು?‌
ನೀ ಬೆಂಕಿಯಲ್ಲಿ ಬಿದ್ದ
ಪುಟಕ್ಕಿಟ್ಟ ಹೇಮ
ಬೀಳಲು ಹೇಳಿದವನಿಗೆ
ಬೆಂಕಿಯಲ್ಲಿ ನಿಷ್ಠೆಯೇನು?‌
ಹೀಗಲ್ಲ
ಕೈಬಿಡು ನಿಲ್ಲು ನನ್ನ
ರೇಖೆಯಾಚೆಗೆ
ಹುಣ್ಣಿಮೆಯಲ್ಲಿ ಧಗಧಗಿಸಿ
ಹೊತ್ತಿ ಉರಿವ
ಕಾಮಣ್ಣ;
ಕನ್ನಡಿಯ ಮನೆಯೊಳಗೆ
ಅಸಂಖ್ಯ ನಾನು
ನನ್ನೊಡನೆ ಕರಗಿ ನಿನ್ನ
ಮುಟ್ಟಲಾಗದೆ
ತಬ್ಬಲಾಗದೆ ಚೂರು
ಚೂರಾಗುವೆನು ನೋಡು.

ಹಕ್ಕಿಯೊಂದು ಗೊಡಕಟ್ಟಿತ್ತು…

ಹೊರಟಿತೊಂದು ಹಕ್ಕಿ ತನ್ನ ಗೂಡಕಟ್ಟಲು
ತನ್ನ ಗೆಳತಿಗಾಗಿ ಒಂದು ಮನೆಯ ಮಾಡಲು…

ಹಕ್ಕಿ ಗೂಡಕಟ್ಟಲೊಂದು ಮರವ ಆರಿಸಿ
ಮತ್ತೆ ತನ್ನ ಪ್ರೇಯಸಿಯ ಮನವ ಒಲಿಸಿ…

ಈ ಹಕ್ಕಿ ಕಷ್ಟಪಟ್ಟು ಕಡ್ಡಿಗಳ ತರಲು
ತನ್ನ ಗೂಡಿನ ಸವಿಗನಸ ಕಾಣುತಲಿರಲು…

ಮೇಲೆ ಹಾರಿ ಆಗಸದಿ ತೂರಿ ಕನಸುಗಳ ಮಾಲೆ ಜೋಡಿಸಿ
ದೂರ ದೂರದಿಂದ ತಂದ ಕಡ್ಡಿಗಳ ಜೋಡಿಸಿ…

ಮರದಮೇಲೆ ಕಟ್ಟಿತೊಂದು ಗೂಡನು ಹಕ್ಕಿ
ಕಷ್ಟಪಟ್ಟು ತಂದ ಕಡ್ಡಿಗಳ ಹೆಕ್ಕಿ ಹೆಕ್ಕಿ…

ತನ್ನ ಮನೆಯ ತನ್ನ ಮರಿಯ ಕನಸ ಕಾಣಲು
ಆದರೇನು ವಿಧಿಯ ಆಟ ಬೇರೆಯೇ ಇರಲು…

ಭೂಮಿಯಂಚಿನಿಂದ ಗಾಳಿ ಬೀಸುತ ಬರಲು
ಗಾಳಿ ಮಳೆಗೆ ಛಿದ್ರವಾಯ್ತು ಹಕ್ಕಿಯ ಗೂಡು…

ಸಿಡಿಲಿನಬ್ಬರಕೆ ಬಲಿಯಾಯ್ತು ಹಕ್ಕಿಯ ಗೂಡು
ಪಾಪ ಹಕ್ಕಿ ಕಂಡ ಕನಸಾಯ್ತು ನುಚ್ಚುನೂರು…

ಆದರೇನು ಬಿಡದೆ ಛಲವ ಹಕ್ಕಿ ಹಾರಿತು
ಅದರ ಗೆಳತಿಯೊಡನೆ ಸೇರಿ ಗೂಡ ಕಟ್ಟಿತು…

ಗಾಳಿ ಮಳೆಗೆ ಅಳುಕದಂತ ಗಟ್ಟಿ ಗೂಡದು
ಮಧುರ ಒಲುಮೆ ಪ್ರೀತಿ ಬೆರೆತ ದೊಡ್ಡ ಗೂಡದು…

ಸಹನೆಬೇಕು ಬಾಳಿನೊಳಗೆ...

ಮೊಗ್ಗು ಬಿರಿದು ಹೂವಾಗುವುದಕೆ
ಹೂವು ಅರಳಿ ಕಾಯಾಗುವುದಕೆ
ಕಾಯಿ ಮಾಗಿ ಹಣ್ಣಾಗುವುದಕೆ
ಸಹನೆಬೇಕು ಬಾಳಿನೊಳಗೆ...

ಪುಟ್ಟ ಕಂದ ಬರಲು ಜಗಕೆ
ಮಧುರ ನಗೆಯ ಬೀರುವುದಕೆ
ತೊದಲುನುಡಿಯ ನುಡಿಯುವುದಕೆ
ಸಹನೆಬೇಕು ಬಾಳಿನೊಳಗೆ...

ಶ್ರಮವಪಟ್ಟು ಓದುವುದಕೆ
ಹೆಚ್ಚು ಅಂಕ ಪಡೆಯುವುದಕೆ
ಓಳ್ಳೆಹೆಸರ ಪಡೆಯುವುದಕೆ
ಸಹನೆಬೇಕು ಬಾಳಿನೊಳಗೆ...

ಒಲುಮೆಯನ್ನು ಹುಡುಕುವುದಕೆ
ಮಧುರ ಪ್ರೀತಿ ಪಡೆಯುವುದಕೆ
ಮನದಿ ಆನಂದ ಹೊಮ್ಮುವುದಕೆ
ಸಹನೆಬೇಕು ಬಾಳಿನೊಳಗೆ...

ಪಕ್ಷಿಗೊಡ ಕಟ್ಟುವುದಕೆ
ಹೆಕ್ಕಿ ಕಡ್ಡಿ ತರಲು ಅದಕೆ
ಹೆಣ್ಣ ಪ್ರೀತಿ ಪಡೆಯುವುದಕೆ
ಸಹನೆಬೇಕು ಬಾಳಿನೊಳಗೆ...

ಬೀಜ ಗಿಡವಾಗುವುದಕೆ
ಗಿಡವು ಮರವಾಗುವುದಕೆ
ತಂಪನೆರಳ ನೀಡಲದಕೆ
ಸಹನೆಬೇಕು ಬಾಳಿನೊಳಗೆ...

ಚದುರಂಗವ ಆಡುವುದಕೆ
ದಾಳಗಳನು ನಡೆಸುವುದಕೆ
ವಿಜಯವನ್ನು ಸಾಧಿಸುವುದಕೆ
ಸಹನೆಬೇಕು ಬಾಳಿನೊಳಗೆ...

ಜೀವನವ ನಡೆಸುವುದಕೆ
ಬಾಳಿನೊಲುಮೆ ಕಾಣುವುದಕೆ
ಸಾರ್ಥಕ ಜೀವನ ಕಾಣುವುದಕೆ
ಸಹನೆಬೇಕು ಬಾಳಿನೊಳಗೆ...

ಬಾಲ್ಯದ ನೆನಪು

ಮರುಕಳಿಸುತಿಹುದಿಂದು ಬಾಲ್ಯದಾ ನೆನಪು
ಕಳೆದು ಹೊದೀತೇನೊ ಅದರ ಹೊಳಪು...

ಬಾಲ್ಯದಲಿ ಆಡಿದ ಆ ಮಣ್ಣಿನಾಟ
ಎಲ್ಲರೊಡಗೊಡಿದ ಗೆಳೆಯರ ಒಡನಾಟ...

ಕಟ್ಟುತಿದ್ದೆವಂದು ಮರಳಿನ ಕಪ್ಪೆಗೊಡೊಂದ
ನಿನಕಿಂತ ನನಗೊಡು ದೊಡ್ಡದು ನೋಡು, ಎಂತಹಾ ಅಂದ...

ಅಂದು ನಾ ವಾಡಿದ ಮರಕೋತಿ ಆಟ
ಮರದಿಂದ ಕೆಳಬಿದ್ದು ಕಲಿತಂತಾ ಪಾಟ...

ಎಲ್ಲರಿಂದ ನನ್ನನಾ ಬಚ್ಚಿಟ್ಟು ಕಣ್ಣಾ ಮುಚ್ಚಾಲೆಯಲಿ
ಗೆಳೆಯನ ಕಣ್ತಪ್ಪಿಸಿ ಮುಟ್ಟಿದೆ ಗುರಿ ಸಂತಸದಲಿ...

ನಾವಾಡುತಿದ್ದ ಆ ಗಿಲ್ಲಿದಾಂಡು
ಅದಕೆಂದು ಸೇರುತಿದ್ದ ಹುಡುಗರ ದಂಡು...

ಅಪ್ಪನೊಡಗೊಡಿ ನಾ ಕಂಡ ಸಿನಿಮ
ಮನೆಪಾಟ ಮಾಡಿಲ್ಲ !!!! ಬೈದಿದ್ದಳಮ್ಮ...

ಅಂದು ದೀಪಾವಳಿಯಂದು ಕೈ ಸುಟ್ಟ ಹಣತೆ
ಅದಹೇಳಿ ಅಮ್ಮನಲಿ ಪಡೆದಂತ ಮಮತೆ...

ತಪ್ಪು ಲೆಕ್ಕವಮಾಡಿ ತಿಂದತ ಪೆಟ್ಟು
ಒಳ್ಳೆ ಹಾಡನು ಹಾಡಿ ಪಡೆದಂತಾ ಗಿಫ್ಟು...

ಓ ನನ್ನ ಬಾಲ್ಯವೇ ಮತ್ತೆ ಬರಲಾರೆಯಾ
ಆ ಮಧುರ ಸವಿಯಾದ ದಿನಗಳನು ತಾರೆಯಾ...

ಮಳೆಯೇ ನಿನ್ನ ಮಾಯವಿದೇನೇ...

 ಭೋರೆಂದು ಸುರಿದಿದೆ ಗಗನದಿಂದ
ಭುವಿಯ ದಾಹವ ತಣಿಸುವ ತವಕದಿಂದ...

ದಟ್ಟ ಮೋಡದಿಂದ ಸುರಿದುಬಂದಿಹೆ ನೀನು
ನಿನ್ನ ರಭಸವ ವರ್ಣಿಸುವುದೇನು...

ಜೊತೆಗೋಡಿ ಬಂದಿದೆ ವೇಗವಾಗಿ ಗಾಳಿ
ತಲೆದೊಗಿ ನಿಂತಿಹವು ಮರಗಿಡಗಳು ಕೇಳಿ...

ನೀಬಂದಿಹೆಯೇನು ಕೆರೆ, ನದಿಯ ಒಡಲು ತುಂಬಲು
ಹೇಳುವುದೇನು ಭುವಿಯು ಸಂತಸದಿ ನಗುತಿರಲು...

ಸುರಿದು ಬಾ ಮಳೆಯೆ ಸುರಿದು ಬಾ
ಬರಡು ನೆಲವನು ಹಸನುಗೊಳಿಸು ಬಾ...

ಕೊಂಚ ಕರುಣೆಯ ತೋರು
ನಿನ ರಭಸದಲೂ ಮಂದಹಾಸವ ಬೀರು...

ನೀ ನಮಗೆ ಜೀವಜಲ
ಕಾಯುನೀ ಸಕಲ ಜೀವಸಂಕುಲ...
ಮಳೆಯೇ ನಿನ್ನ ಮಾಯವಿದೇನೇ...

ಅವಳಿಗಾಗಿ...

ಮನಸ್ಸಲ್ಲಿ ಮನಸನಿಟ್ಟು,
ನನ್ನೆದೆಯಲ್ಲಿ ಅಳಿಸಲಾಗದ ಹೆಜ್ಜೆಗುರುತನಿಟ್ಟು
ಎನ್ನೆದೆಯ ಬಡಿತದಲಿ ಅವಳ ಹೆಸರನಿಟ್ಟು
ಮುಗುಳುನಗೆ ನಕ್ಕು ಹೋದವಳು...

ಉರಿಬಿಸಿಲಲಿ ತಂಪನಿಟ್ಟು
ತುಂತುರುಮಳೆಯಲಿ ಪುಳಕವನಿಟ್ಟು
ಮೌನದಲ್ಲೇ ಮಾತನಾಡಿಸಿ ಸಂತಸವ ಕೊಟ್ಟು
ಮತ್ತೆ ಬರುವೆನೆಂದು ಹೇಳಿದವಳು...

ಬೆಳದಿಂಗಳ ರಾತ್ರಿಯಲಿ
ತಾರೆಗಳ ಸಂತೆಯಲಿ
ಚೆಂದಿರನ ನಾಚಿಸುತ್ತಾ
ಬೆಳಕಚೆಲ್ಲಿಬಂದವಳು...

ನೆತ್ತಿಸುಡುವ ಸೂರ್ಯಕಿರಣಗಳ ನಡುವೆ
ದಾಹತುಂಬಿದ ದಾರಿಯಲ್ಲಿ
ತಂಪು ನೆರಳಾಗಿ ಬಂದು
ಅಮೃತ ಸಿಂಚನವನ್ನೆರೆದವಳು...

ಹೊಂಗನಸಿನಲ್ಲಿ ಬಂದು
ಬೆಚ್ಚನೆಯ ಅಪ್ಪುಗೆಯ ಕೊಟ್ಟು
ಸಿಹಿ ಮುತ್ತನಿಟ್ಟವಳು
ನೀ ಹೋದದ್ದಾದರೂ ಎಲ್ಲಿಗೆ ???

ನಿನ್ನ ಅಪ್ಪುಗೆಗಾಗಿ ಕಾದಿರುವ ನನ್ನ ಬಾಹುಗಳು
ನಿನ್ನ ಕೂಗಿ ಕರೆದಿದೆ,
ಬಳಿ ಬಂದು ಒಮ್ಮೆ ಆ ಕಿರುನಗೆಯ ಬೀರು...
ನಿನ್ನ ಕಣ್ಣ ಅಂಚಿನಲಿ ಮಾತನಾಡು...

ನಿಶ್ಯಬ್ಧತುಂಬಿರುವ ಈ ಬಾಳಿನಲಿ
ಸವಿನುಡಿಗಳ ತೋರಣವ ಕಟ್ಟಿ
ಬಾಳಹಾದಿಯಲಿ ಜೊತೆಗೂಡಿ ಸಾಗಲು
ಕನಸಿನಿಂದ ನನಸಾಗಿ ಬಾ...

ಪರೋಕ್ಷ ಸಂಗಾತಿಗೆ...

ನಾ ನಿನಗಾಗಿ ನಿನ್ನ ದಿನವ
ಬೆಳಗುವ ಸೂರ್ಯನಾಗಬೇಕಿದೆ
ನಾ ನಿನಗಾಗಿ ಇರುಳಿನಲಿ
ಕತ್ತಲೆಯ ಓಡಿಸುವ ಚಂದಿರನಾಗಬೇಕಿದೆ,
ನಾ ನಿನ್ನಲಿರುವ ದುಃಖ ದುಮ್ಮಾನವನು
ಹೊತ್ತೋಯ್ಯುವ ನದಿಯಾಗಬೇಕಿದೆ,
ನಾ ನಿನ್ನಜೊತೆ ಜೊತೆಯಲಿ
ಹೆಜ್ಜೆಯಿಡುವ ನೆರಳಾಗಬೇಕಿದೆ,
ನಾ ನಿನ್ನ ಪ್ರೀತಿ ಪಡೆಯಬೇಕಿದೆ,
ನಿನ್ನೋಂದಿಗೆ ನಡೆಯಬೇಕಿದೆ
ದೂರ ಬಲು ದೂರ ಸಾಗಬೇಕಿದೆ
ನಾ ನಿನ್ನೊಳು ಬೆರೆಯಬೇಕಿದೆ
ನಾ ನಿನ್ನ ಕಾಣದಿದ್ದರೇನು,
ನಿನ್ನಯ ಸ್ಪರ್ಶವ ಕಂಡಿಹೆನು
ನೀ ಬರುವೆ ತಂಗಾಳಿಯ ನಡುವೆ ತೇಲುತಾ,
ಮನಕೆ ಮುದವ ನೀಡುತಾ
ನೀಲಿಗಗನದಿ ತೇಲುವ ಮೇಘಮಾಲೆಯ
ನಡುವೆ ನಾ ಕಾಣುವೆ ನಿನ್ನಯ ಚಿತ್ತಾರವ
ಇರುಳಿನ ತಂಪಾದ ಸಮಯದಲಿ ನಾ ಕಾಣುವೆ
ನಿನ್ನಯ ಚಂದವನು ಆ ಚುಕ್ಕಿಗಳ ಸೇರಿಸುತ...

ಮಳೆಬರುವ ತುಸು ಮುಂಚೆ

ಮಳೆಬರುವ ತುಸು ಮುಂಚೆ
ತಂಗಾಳಿ ಬೀಸಿತ್ತು...
ನಿನ್ನ ಕಂಪತಂದಿತ್ತು...
ಮನಸ್ಸೇಕೋ ನಾಚಿತ್ತು...
ಮುಗುಳ್ನಗೆಯು ಹೊಮ್ಮಿತ್ತು...
ನಿನ್ನ ಸನಿಹ ಬೇಕಿತ್ತು...
ನಿನ್ನ ಒಲುಮೆಗೆ ಕಾದಿತ್ತು...
ಸಿಹಿಮುತ್ತ ಬೇಡಿತ್ತು...

ಹಾ ಗೆಳತೀ... ಕಂಡೆ ನಾ ನಿನ್ನನು...
ಕೋಲ್ಮಿಂಚಿನಲಿ ನಿನ್ನ ಕಣ್ನೋಟ ಕಂಡೆ
ತುಂತುರು ಹನಿಯಲಿ ಸಿಹಿಮುತ್ತನುಂಡೆ...
ತಂಗಾಳಿಯಲಿ ನೀ ಬಂದೆನ್ನ ಅಪ್ಪಿದೆ...

ಮಳೆಗೂ ನಿನಗೂ ಎಂತಹಾ ಹೋಲಿಕೆ...

ಆಸೆ

ಹಕ್ಕಿಗೆ ಗೂಡನು ಕಟ್ಟುವ ಆಸೆ
ಗೂಡಲಿ ಮರಿಯನು ನೋಡುವ ಆಸೆ
ಮರಿಗೆ ಎತ್ತರ ಹಾರುವ ಆಸೆ
ಆಸೆ ಇರಬೇಕು ಜಗದೊಳಗೆ...

ದೇವರಿಗೂ ಕೂಡಾ ಇರುವುದು ಆಸೆ
ತನ್ನ ಭಕ್ತರನು ಕಾಯುವ ಆಸೆ
ಒಳ್ಳೆಬುದ್ದಿಯನು ಕರುಣಿಸುವ ಆಸೆ
ಆಸೆ ಇರಬೇಕು ಜಗದೊಳಗೆ...

ದುಂಬಿಗೆ ಹೂವನು ಕಂಡರೆ ಆಸೆ
ಹೂವಿನ ಮಕರಂದ ಹೀರುವ ಆಸೆ
ಹೂವಿಂದ ಹೂವಿಗೆ ಹಾರುವ ಆಸೆ
ಆಸೆ ಇರಬೇಕು ಜಗದೊಳಗೆ...

ಆಕಳಕರುವಿಗೆ ತಾಯಿಯ ಆಸೆ
ತಾಯಿಗೆ ತನ್ನ ಕರುಳಿನ ಆಸೆ
ಅದಕೆಹಾಲುಣಿಸಿ ಸಂತಸ ಹೊಮ್ಮುವ ಆಸೆ
ಆಸೆ ಇರಬೇಕು ಜಗದೊಳಗೆ...

ಸನ್ಯಾಸಿಗೂ ಕೂಡಾ ಇರುವುದು ಆಸೆ
ದೇವನೊಬ್ಬನನ ನೋಡುವ ಆಸೆ
ಅವನಲಿ ಲೀನವಾಗುವ ಆಸೆ
ಆಸೆ ಇರಬೇಕು ಜಗದೊಳಗೆ...

ಗಿಡಕೆ ಮರವಾಗಿ ಬೆಳೆಯುವ ಆಸೆ
ಮರವಾಗಿ ಬೆಳೆದು ಹಣ್ ಬಿಡುವ ಆಸೆ
ಅದರಿಂದೋಂದು ಗಿಡಬೆಳೆಸುವ ಆಸೆ
ಆಸೆ ಇರಬೇಕು ಜಗದೊಳಗೆ...

ಪ್ರೇಮಿಗೆ ಪ್ರಿಯಕರನ ನೋಡುವ ಆಸೆ
ಪ್ರಿಯಕರನ ನೋಡುವ ಆಸೆ
ಅವನೊಡನೆ ಮಾತಾಡುವ ಆಸೆ
ಆಸೆ ಇರಬೇಕು ಜಗದೊಳಗೆ...

ಅಮ್ಮಗೆ ಮಗುವನು ಕಾಣುವ ಆಸೆ
ಮಗುವದು ಮಾತಾಡೆ ಇನ್ನೂ ಆಸೆ
ಎಂದಿಗೆ ನಡೆವುದೊ ಎಂಬ ಆಸೆ
ಆಸೆ ಇರಬೇಕು ಜಗದೊಳಗೆ...

ಸರಳಜೀವಿಗೂ ಇರುವುದು ಆಸೆ
ದುಂದುವೆಚ್ಚವ ಮಾಡದ ಆಸೆ
ಸಾರ್ಥಕ ಜೀವನ ನಡೆಸುವ ಆಸೆ
ಆಸೆ ಇರಬೇಕು ಜಗದೊಳಗೆ...

ಆಸೆ ಇರಬೇಕು ಜಗದೊಳಗೆ...
ಇದ್ದರೆ ಚೆನ್ನ ಮಿತಿಯೊಳಗೆ...

ಮೌನ

ಎನ್ನೊಡನೆ ಮಾತಾಡು ಬಿಮ್ಮೆನುತಿಹುದೀ ಮನ
ನಿನ್ನ ಮಾತಿಲ್ಲದೆ ಬೇಸರದಿ ಕೂಡಿದೆ ಈ ದಿನ...

ನೀ ಮಾತಾಡುತಿರೆ ಮುತ್ತುಗಳ ಸಾಲು ಧರೆಗಿಳಿದಂತೆ
ನೀ ಮೌನವಾಗಿರೆ ಕೋಲ್ಮಿಂಚಿನ ರಭಸ ಶಬ್ಧವಿಲ್ಲದಂತೆ...

ಎನ್ನಮನದಲಿ ಮೂಡಿಹುದು ಹೇಳತೀರದ ನೋವದು
ನಿನ ಸವಿನುಡಿಗೆ ಕಾಯುತಿಹ ಪುಟ್ಟ ಮನಸಿದು...

ನೀ ಮಾತಾಡೆ ಹೆಜ್ಜೆನ ಸವಿದಂತೆ
ನೀ ಮೌನವಾಗಿರೆ ಕಾರ್ಮೋಡ ಕವಿದಂತೆ...

ಹೇಳತೀರದು ನೋಡು ಎಂಥಹಾ ಮೌನ
ಹೇಳು ನಿನ್ನಯ ದುಃಖ ದುಮ್ಮಾನ...

ಕಾದಿಹುದು ಈ ಕರ್ಣ ನಿನ್ನ ನುಡಿಯ ಕೇಳಲು
ತೆರೆಮನದ ಆವರಣ ಸವಿಮಾತ ನುಡಿಯಲು...

ಯೋಚನೆ...

ಆಲೋಚನೆಗಳ ಕಡಲಿನಲಿ ತೇಲಿರುವ ಹುಡುಗಿ
ಮುಖದ ಮೇಲೆ ಮೂಡಿಹುದು ಯೋಚನಾ ಬಿಂದು
ಅದರ ಪರಿವೆಯಿಲ್ಲ ಆಲೋಚನೆಯ ಕಡಲಿನಲಿ ತೇಲಿರುವ ನಿನಗೆ

ಈ ಬಿಸಿಲ ಬೇಗೆಯಲಿ ಏನಂತಾ ಯೋಚನೆ
ಯಾರು ಬಂದರೂ, ಯಾರು ಹೋದರೂ ನಿನಗೆ ಪರಿವೆಯಿಲ್ಲ
ಏನು ಆಲೋಚನೆ ಹುಡುಗಿ... ಮನದಲ್ಲಿ ಮೂಡಿರುವ ಕದನವೇನು

ಕೈಯಲ್ಲಿ ಹಾಕಿರುವ ಮದರಂಗಿಯ ಬಣ್ಣ ಮಾಸಲು ಆಗುತಿಹುದು
ರವಿತೇಜನ ಕಿರಣಗಳು ಶಾಂತವಾಗಿಹುದು,
ನೀನಿಲ್ಲ ಈ ಲೋಕದಲ್ಲಿ, ಮುಳುಗಿರುವೆ ಆಲೋಚನೆಯ ಲೋಕದಲ್ಲಿ

ನೆಟ್ಟ ದ್ರುಷ್ಟಿಯನೋಟ, ಯಾರಿಂದಲೂ ಕದಲಿಸಲಾಗದ ಏಕಚಿತ್ತ
ಪುಟ್ಟ ವಯಸಿನ ಬಾಲೆ, ನಿನ್ನ ಮನದಲಿ
ಮೂಡಿರುವ ಯೋಚನೆಗಳ ಸರಮಾಲೆ...

ಬಾ ಓಲವೇ...

ಬಾ ಓಲವೇ...

ಮನದಿ ಕವಿದಿರುವ ಕತ್ತಲೆಯ ಕಾರ್ಮೋಡಗಳ ಸರಿಸಿ
ಓಲುಮೆಯ ಬೆಳಕ ಚೆಲ್ಲು ಬಾ...

ಬರಡು ಭೂಮಿಯ ಮೇಲಿನ ತಾಪವನು ತಂಪಾಗಿಸುವ
ತುಂತುರು ಮಳೆಯಾಗಿ ಬಾ...

ಕಗ್ಗತ್ತಲ ರಾತ್ರಿಯಲಿ ತಂಪಾದ ಗಾಳಿಯೊಂದಿಗೆ
ಬೆಳದಿಂಗಳಾಗಿ ಬಾ...

ಬಳಲಿ ಬೆಂಡಾಗಿರುವ ಮನಕೆ
ಅಮೃತ ಸಿಂಚನವ ತಾ...

ಮನದ ಮಿಡಿತವಾಗಿ ಬಾ,
ಹೃದಯದ ಬಡಿತವಾಗಿ ಬಾ...

ಒಣಗಿರುವ ಮರದಲ್ಲಿ ಜೀವವನು ನೀ ತುಂಬಿ,
ಹಸಿರ ಸಿರಿಯಾಗಿ ಬಾ..

ಬಾ ಓಲವೇ, ಬಾ...

ಮರೆಯಾದರೆ ನಾ

ಮರೆಯಾದರೆ ನಾ 

ಮರೆಯದಿರು ನೀ 

ನನ್ನ ಮನದಲ್ಲಿರುವ ನೋವ

ಕಲಕದಿರು  ನೀ 

ದೂರವಾಗಿ ಮನದಲ್ಲಿ 

ದುಗುಡ ತಂದೆ ನೀ 

ನನ್ನ ಉಸಿರು ಹೋಗುವ ಮುನ್ನ 

ಮುಖವ ತೋರು ನೀ 

ಸದಾ ಕಾಯುತಿರುವೆನು  ನಾ 

ಒಮ್ಮೆ ಬರುವೆಯಾ ನೀ......

                                     ವೀರೇಶ್ ಶಿವಣ್ಣ 

ರಾಜಕೀಯ

ಕರ್ನಾಟಕ ರಾಜಕೀಯ 

ಸಚಿವರೇ ನೋಡುತಿಹರು 

ಲಲನಾಮಣಿಯರ ನೃತ್ಯಕಾಮ 

ನಡೆಯುತಿಹುದು 

ವಿಧಾನಸೌಧದ ಗುಡಿಯಲ್ಲೇ 

ಇದೆಂಥಾ ಸೋಜನೀಯ 

ಇದೇ ನಮಗೆ ಸಿಕ್ಕಿರುವ 

ದುರ್ದೈವ ರಾಜಕೀಯ ....

                    - ವೀರೇಶ್  ಶಿವಣ್ಣ 

"ಮೋಸಗಾರ ನನ್ನ ಹುಡುಗ"

ಮೋಸಗಾರ ನನ್ನ ಹುಡುಗ ಮೋಸಗಾರ 

ತಿಳಿಯಾದ ನನ್ನ ಮನಸ ಕಲಕಿ ಹೋದ 

ಮನಸಲ್ಲಿ ಆಸೆಯ ಚಿಗುರಿಸಿ 

ಚಿವುಟಿ ಮರೆಯಾದ
ಮನದಲ್ಲಿ ಮನೆಮಾಡಿ 

ಮರೆಮಾಚಿ ಮರೆಯಾದ 

ಮುಗ್ದ ಮನಕೆ ನೋವು ತಂದು 

ಹೃದಯದಗಾಯ ಮಾಡಿ ಹೋದ 

ಚುಚ್ಚಿ ಕೊಲ್ಲುವ ನೆನಪನ್ನ ಬಿಟ್ಟು 

ಕಾಣದಂತೆ ಮಾಯವಾದ

ಮೋಸಗಾರ ನನ್ನ ಹುಡುಗ 

ಬಲು  ಮೋಸಗಾರ  

                             - ವೀರೇಶ್ ಶಿವಣ್ಣ 

"ಸ್ನೇಹದ ಪ್ರೀತಿ"

ಸ್ನೇಹಿತೆಯನ್ನು ಮಾಡಿದೆನು ಪ್ರೀತಿ

ಪ್ರತಿ ದಿನವು ಬೆಳೆಯಿತು ಅವಳ ನನ್ನ ಪ್ರೀತಿ

ಅವಳು ಇದ್ದಳು ಐಶ್ವರ್ಯ ರೈ ನ ರೀತಿ 

ಒಂದು ದಿನ ಹೇಳಿದೆ ನಿನ್ನ ಪ್ರೀತಿಸುವೆ 

ರೋಮಿಯೋ ಜೂಲಿಯಟ್ ನ ರೀತಿ 

ಕೆಪ್ಪಾಳಕ್ಕೆ ಕೊಟ್ಟಳು ಜಾಕಿಚಾನ್ ನ ರೀತಿ 

ಆಗ ತಿಳಿದೆ ಅವಳು ಮಾಡುತ್ತಿರುವುದು  "ಸ್ನೇಹದ ಪ್ರೀತಿ"

"ಆಸ್ತಿ ಪಾಸ್ತಿಯ ಪ್ರೀತಿ"

ಶ್ರೀ ಪತಿ ಗಿತ್ತು ಜೋರಾಗಿ ಆಸ್ತಿ ಪಾಸ್ತಿ 

ಅವನ ಪ್ರೀತಿಸಿದಳು ಒಬ್ಬಳು ಸುಮತಿ 

ಕೆಡಿಸಿದಳು ಅವನ ಮತಿ (ಬುದ್ದಿ )

ಬಿಟ್ಟು ಬಂದನು ಅವನು ಕಾರು ಬಂಗಲೆಯ ಆಸ್ತಿ 

ಅವನೆಂದನು ಅವಳಿಗೆ ಇನ್ನು ನೀನೆ ಗತಿ 

ಅವಳು ಅವನನ್ನು ಬಿಟ್ಟು ಹೋದಳು ಇನ್ನೊಬ್ಬನ ಜೊತಿ.

"ಏಡ್ಸ್ ನ ಚಲಪತಿ"

ನಮ್ಮ  ಊರಲ್ಲಿ ಇದ್ದ ಒಬ್ಬ ಚಲಪತಿ 

ಹುಡುಗಿಯರೆಂದರೆ ಅವನಿಗೆ ಬಲು ಪ್ರೀತಿ 

ಬಂತು ಅವನಿಗೆ ಕಾಯಿಲೆಯ ಭೀತಿ 

ಕಾಣಿಸಿಕೊಂಡಿತು ಅವನಿಗೆ ಏಡ್ಸ್ ನ ರೀತಿ

ಶುರುವಾಯಿತು ಅವನಿಗೆ ಭೇದಿ ವಾಂತಿ 

ಕಾಲವಾದನು ಅವನು ಆರು ವರ್ಷದ ಮೊದಲ ರಾತ್ರಿ 

ಇವತ್ತು ಅವನ ಮೊದಲನೇ ತಿಥಿ.

"ಸೂಟು ಬೂಟು ಕಾರಿದ್ರೆ" 

ನಮ್ಮ ಮಾವನ ಮಗಳು ಪ್ರೀತಿ 
ನಾನು ಪ್ರೀತಿಸಿದೆ ಅವಳನ್ನು ದಿನಂ ಪ್ರತಿ 
ನಾನಿಷ್ಟ ಪಟ್ಟೆ ಅವಳ ಪ್ರೀತಿ 
ಅವಳಿಗೆ ಸರಿಕಾಣಲಿಲ್ಲ ನನ್ನ ಬಡತನದ ರೀತಿ 
ಸರಿ ಹೊಂದಲಿಲ್ಲ ನನಗೆ ಅವಳ ಮನಸ್ಸಿನ ನೀತಿ 
ಮನೆಬಿಟ್ಟು ಹೋದಳು ರಾತ್ರಿಯೋ ರಾತ್ರಿ 
ಕಾರಿನ ಜೊತೆ ಬಂದಳು ಮಾರನೆ ರಾತ್ರಿ 
ಹಾಳು ಹೋಗಿದೆ ಅವಳ ಶೀಲದ ರೀತಿ ನೀತಿ.


"ಯೋಚಿಸ ಬಾರದೆ...?"

 ತಿರುಪತಿಗೆ  ಇದ್ದಳು ಒಬ್ಬಳೇ ಮಗಳು ಆರತಿ 
ಆರತಿ ಪ್ರೀತಿಸಿದ ಹುಡುಗ ಜಗಪತಿ 
ಮಗಳಿಗೆ ಮದುವೆ ಮಾಡಿದ ತಿರುಪತಿ 
ಮೊದಲ  ರಾತ್ರಿ ಕಳೆದ ಜಗಪತಿ
ಅವಳನ್ನು  ಬಿಟ್ಟು ಹೋದ ಮಾರನೆ ರಾತ್ರಿ 
ಆಮೇಲೆ  ಮಾಡಿದ ಸರಿಯಾದ ಮಂಗಳಾರತಿ 
ಆರತಿ ಯ ಸ್ಥಿತಿ ಈಗ ನಾಯಿಯ ರೀತಿ.


By :  ವೀರೇಶ್  ಶಿವಣ್ಣ

"ಬೆಲೆ ಇಲ್ಲದ ಭಾಷೆಗಳು "

"ಬೆಲೆ ಇಲ್ಲದ ಭಾಷೆಗಳು " ಭಾಷೆಗೆ  ಬೆಲೆ ಎಲ್ಲಿ..?

ಪುರಾತನ  ಕಾಲದಲ್ಲಿ ಅಂದರೆ ತೆಥ್ರಾಯುಗ, ದ್ವಾಪರಯುಗ ಕಾಲಗಳಲ್ಲಿ ಭಾಷೆಗೆ ಅದರದೇ ಆದ ಪ್ರಾಮುಕ್ಯತೆ ಇತ್ತು.ಕೊಟ್ಟ ಭಾಷೆಗೆ ತಕ್ಕಂತೆ ನಡೆದುಕೊಳ್ಳುತ್ತಿದ್ದ ಕಾಲವದು,  ತೆಥ್ರಾಯುಗ ಕಾಲದಲ್ಲಿ ಶ್ರೀ ರಾಮದೇವರ ತಂದೆ ದಶರಥ  ಮಹಾರಾಜ ರು ಕೈಕೆಗೆ ಕೊಟ್ಟ ಭಾಷೆಯಂತೆ ಶ್ರೀ ರಾಮನು ಕಾಡಿಗೆ ಹೋಗ ಬೇಕಾಯಿತು, ಹಾಗು ದ್ವಾಪರಯುಗ ಕಾಲದಲ್ಲಿ ಭೀಮನು ಕೇವಲ ಸಾಮಂತ ರಾಜನಿಗೆ ಕೊಟ್ಟ ಭಾಷೆಯಂತೆ ಒಂದು  ಕುದುರೆಯ ಸಲುವಾಗಿ ಭೀಮ ನು ತನ್ನ ಗುರುವಾದ ಕೃಷ್ಣ  ಬಲರಾಮ ರ  ಜೊತೆ ಯುದ್ದ ಮಾಡಬೇಕಾಯಿತು  ಆದರೆ ಈ ಕಲಿಯುಗದಲ್ಲಿ ಭಾಷೆಗೆ ಬೆಲೆನೇ ಇಲ್ಲದಂತಾಗಿದೆ, ಕೊಟ್ಟ ಭಾಷೆಗೆ ನಡೆದುಕೊಳ್ಳುವವರು ತುಂಬಾ ವಿರಳ, ಇದ್ದರು ಅಂತ ವ್ಯಕ್ತಿಗಳು  ಅಪರೂಪದ ವ್ಯಕ್ತಿಗಳು,  ಪ್ರೀತಿ ಮಾಡಿದ  ಹುಡುಗಿ ತನ್ನ ಪ್ರಿಯ ಹುಡುಗನ ಹತ್ತಿರ ಭಾಷೆ ತೆಗೆದುಕೊಳ್ಳುವುದು ಸಾಮಾನ್ಯ ಅದರಂತೆಯೇ ಹುಡುಗನಿಗೂ ಸಹ ಅವಳು ಭಾಷೆಯನ್ನು ಇಟ್ಟಿರುತ್ತಾಳೆ. ಆದರೆ ಆ ಹುಡುಗಿ ಕೊಟ್ಟ ಭಾಷೆಗೆ ಬೆಲೆನೇ ಇಲ್ಲ ಅದು ತಿಳಿಯುವುದು ಅವಳು ಅವನನ್ನ ಬಿಟ್ಟು ದೂರವಾದ  ಬಳಿಕ ಮಾತ್ರ ..

ಯಾವುದೊ ಯಾವುದೊ ಹೆಸರಿನಲ್ಲಿ ಆ ಸಮಯಕ್ಕೆ ತಕ್ಕಂತೆ  ಭಾಷೆಯನ್ನ ಸ್ವಲ್ಪವು ಯೋಚಿಸದೆ ನೀಡುತ್ತಾರೆ ಆದರೆ ಆ ಭಾಷೆಯ ಬೆಲೆ ಅವರಿಗೆ ತಿಳಿಯುವುದೇ ಇಲ್ಲ, ಭಾಷೆಗೆ ಅದರದೇ ಆದ ನಂಬಿಕೆ ಇದೆ, ಸ್ಥಾನ  ಮಾನವಿದೆ ಹಿರಿಯರು ಹಿಂದೆ ಭಾಷೆಗೆ ತುಂಬಾ ಪ್ರಾಮುಕ್ಯತೆಯನ್ನು ಕೊಡುತ್ತಿದ್ದರು. ಕೊಟ್ಟ ಮಾತಿಗೆ ಎಂದು ತಪ್ಪುತ್ತಿರಲಿಲ್ಲ, ಆದರೆ ಈಗ ಕಾಲ ಬದಲಾಗಿದೆ ಆಡಿದ ಮಾತುಗಳು ಮಾತಾಗಿ ಉಳಿಯುವುದಿಲ್ಲ, ಆಡಿದ ಮಾತೇ ಒಂದು ಮಾಡುವುದೇ ಒಂದು.. ಕಾಲ ಬದಲಾದಂತೆ ಮನುಷ್ಯರು  ಬದಲಾಗುತ್ತಾರೆ,  ಏನೇ ಆದರು ಸತ್ಯ ಎಂಬುದು ಮಾತ್ರ ಎಂದು ಸುಳ್ಳು ಆಗುವುದಿಲ್ಲ. 

ಪ್ರತಿಯೊಬ್ಬ ಮನುಷ್ಯನಲ್ಲಿ ದೇವ ಕೃಪೆ ಅನ್ನೋದು ಇರುತ್ತೆ ಹಾಗೆಯೇ ಪ್ರತಿಯೊಬ್ಬರ ಜೀವನದಲ್ಲಿ ಪ್ರೀತಿ ಪ್ರೇಮ ವಾತ್ಸಲ್ಯ ಮಮತೆ ನಂಬಿಕೆ ತುಂಬಾ ಮುಖ್ಯ.  ಏನೇ ತಪ್ಪಾದರೂ ಅದನ್ನು ನನ್ನದು ತಪ್ಪಿಲ್ಲ ಅಂತ ಸಾಭೀತು ಮಾಡಬಹುದು ಆದರೆ ದೇವರು ಅಂತ ಒಬ್ಬ ಮೇಲೆ ಎಲ್ಲಾ ಆಟ ನೋಡ್ತಾ ಇರ್ತಾನೆ ಅನ್ನೋದನ್ನ ಮರಯೋ ಹಾಗಿಲ್ಲ. ಏನೇ ಇದ್ರೂ ಇತ್ತೀಚಿಗೆ ಭಾಷೆಗೆ ಬೆಲೆ ಇಲ್ಲದಿರುವುದು ತುಂಬಾ ವಿಪರ್ಯಾಸದ ಸಂಗತಿ..

ಎಲ್ಲಾ ಜನರು ಕೊಟ್ಟ ಭಾಷೆಗೆ ಮತ್ತು ಆಡಿದ ಮಾತಿಗೆ ನಡೆದುಕೊಂಡರೆ ಏನೆಲ್ಲ ನಡೆಯಬಹುದು ಅಂತ ಯೋಚನೆ ಮಾಡಿ...


ಇಂತಿ,

ವೀರೇಶ್  ಶಿವಣ್ಣ

"ಮೋಸಗಾತಿ ನನ್ನ ಹುಡುಗಿ "

     ಯಾರಿಗೆ ಯಾರು ಮೋಸ ಮಾಡ್ತಾರೆ ಅಂತ ಹೇಳೋಕೆ ಆಗಲ್ಲ..ಈ ಪ್ರೀತಿ ಅಂದ್ರೆ ಯಾರಿಗೆ ಯಾವಾಗ ಮೋಸ ಮಾಡುತ್ತೆ ಅಂತ ಹೇಳೋಕೂ  ಆಗಲ್ಲ, ಪ್ರತಿ ಹುಡುಗರ ಮಾನಸಲ್ಲಿ ಅವನದೇ ಆದ ಆಸೆಗಳು ಇರುತ್ತೆ ನಾನು ಪ್ರೀತಿ ಮಾಡಬೇಕು ನನಗು ಒಬ್ಬಳು ಗೆಳತಿ ಬೇಕು ಅಂತ ಆದರೆ ಪ್ರೇಮಿಸಿದ ಬಳಿಕ ಗೊತ್ತಾಗುತ್ತೆ ಪ್ರೀತಿಯಲ್ಲಿ ಏನು ಸಿಗುತ್ತೆ ಪ್ರತಿಫಲ ಅಂತ..ಪ್ರೀತಿ ಅಂದ್ರೆ ಹಾಗೆ ಹೀಗೆ ಅಂತ ತುಂಬಾ ಆಸೆಗಳನ್ನ ಇಟ್ಟುಕೊಂಡು ಪಾಪ ಪ್ರೀತಿ ನ ಮಾಡ್ತಾನೆ ಆದರೆ ಕೊನೆಗೆ ಸಿಗುವುದು ಶೂನ್ಯ...

ಯಾಕೆ ಈ ಹುಡುಗಿಯರು ಮುಗ್ದ ಹುಡುಗರ ಮನವನ್ನ ಕಲಕುತ್ತಾರೆ, ಯಾಕೆ ಪ್ರೀತಿ ಅಂತ ಬಾವಿಗೆ ಬೀಳಿಸಿ ಅವರ ಭವಿಷ್ಯವನ್ನ ಹಾಳುಮಡ್ತಾರೆ ಪಾಪ ಏನೋ ಏನೋ ಆಸೆ ಇಟ್ಕೊಂಡು ಪ್ರತಿ ಹುಡುಗರು ತನ್ನ ಮನದಲ್ಲಿ ಅವರ ಅವರ ಹುಡುಗಿಯನ್ನು ದೇವತೆ ಯನ್ನಾಗಿ ಆರಾಧಿಸುತ್ತಾರೆ ಆದರೆ ಹುಡುಗಿಯರು ಅವರ ವರ್ತನೆಗಳಿಂದ ಹುಡುಗರ ಪಾಲಿಗೆ ಯಮನ ರೂಪ ದಲ್ಲಿ ಅವತಾರವನ್ನ ತಾಳಿ ಬರ್ತಾರೆ..

 ಪ್ರೀತಿ ಮಾಡಬೇಕು ಮಾಡಬಾರದು ಅಂತ ಆಜ್ಞೆ ಏನು ಇಲ್ಲ ಆದರೆ ಪ್ರೀತಿಸಿದವನ  ಕೈ ಯನ್ನು ಎಂದು ಬಿಡಬಾರದು, ಎಲ್ಲಾ ಹುಡುಗಿಯರ ಬಗ್ಗೆ ಹೇಳ್ತಾ ಇಲ್ಲ ನಂಬಿಸಿ ಮೋಸ ಮಾಡುವವರ ಬಗ್ಗೆ ಮಾತ್ರ...ಪ್ರತಿಯೊಬ್ಬ ಹುಡುಗಿಯರು ಈ ರೀತಿ ಮಾಡ್ತಾರೆ ಅಂತ ಹೇಳ್ತಾ ಇಲ್ಲ ಮನಸಲ್ಲಿ ಬೇರೆ ಹೊರಗಡೆ ಬೇರೆ ಬುದ್ದಿಯನ್ನ ಇಟ್ಟು ಮೋಸ ಮಾಡುವವರ ಬಗ್ಗೆ ತುಂಬಾ ಹೇಳಬೇಕಾಗುತ್ತೆ..

ಹುಡುಗ ತನ್ನ ಪ್ರೀತಿಯ ಬಲೆಯಲ್ಲಿ ಬಿದ್ದ ಬಳಿಕ ಅವನು ತನ್ನ ಸ್ನೇಹಿತರನ್ನು ಸಹ ದೂರ ಮಾಡಿ ಕೊಳ್ಳುತ್ತಾನೆ, ಅವನಿಗೆ ಯಾವುದೇ ಅವಕಾಶ ಸಿಕ್ಕರೂ ಅದನ್ನ ಉಪಯೋಗಿಸಿ ಕೊಳ್ಳುವುದೇ ಇಲ್ಲ್ಲ,ನನಗೆಲ್ಲ ಅವಳೇ ಬಂಧು ಬಳಗ ಅಂತ ಸ್ನೇಹಿತರಿಂದ ದೂರ ಸರಿಯುತ್ತಾನೆ,ಅವಳನ್ನ ಗಾಡವಾಗಿ ಪ್ರೀತಿಸುತ್ತಾನೆ, ಪಾಪ ಅವನಿಗೆ ಆಗುವ ಮುಂದಿನ ಪರಿಣಾಮದ ಬಗ್ಗೆ ಅವನಿಗೆ ಅರಿವೇ ಇರುವುದಿಲ್ಲ,ಹುಡುಗಿ ತನ್ನ ಬೇಳೆಯನ್ನು ಬೇಯಿಸಿಕೊಳ್ಳಲು ಆತನನ್ನ ಉಪಯೋಗಿಸಿ ಕೊಳ್ಳುತ್ತಾಳೆ.ಮೊದಲು ಕಾಇನ್ ಬಾಕ್ಸ್ ಇಂದ ಫೋನ್ ಮಾಡ್ತಾ ಇದ್ದ ಹುಡುಗಿ ಅದನ್ನ ಬಿಟ್ಟು ನಾನು ನಿನ್ನ ಜೊತೆ ಸರಿಯಾಗಿ ಮಾತಾಡೋಕೆ ಆಗ್ತಾ ಇಲ್ಲ ಏನಾದ್ರು ಮಾಡಿ ನನಗೆ ಮೊಬೈಲ್ ಕೊಡ್ಸು ಅಂತ ಕೇಳಿ  ಕೊಳ್ಳುತ್ತಾಳೆ, ಮೊಬೈಲ್ ಬಂದ ಬಳಿಕ ಶುರುವಾಗುವುದೇ ಬೇರೆ ಆಟ...ದಿನ ಮೊಬೈಲ್ ಗೆ ಕರೆನ್ಸಿ ಹಾಕ್ಸು ಅಂತಾರೆ ನಾವು ಹಾಕಿಸಿದ ದುಡ್ಡಿಂದ ಬೇರೆ ಹುಡುಗರನ್ನ maintain ಮಾಡ್ತಾರೆ, 

ಇಲ್ಲಿಂದ ಪ್ರತಿ ನಿತ್ಯ ಮೊಬೈಲ್ ಗೆ ಬಿಡುವೆ ಇರುವುದಿಲ್ಲ ರಾತ್ರಿ ಎಲ್ಲಾ ಚಿನ್ನು ಬಂಗಾರ ಅಂತ ಮಾತನಾಡುತ್ತ ಸಮಯ ಕಳೆಯುವುದೇ ಅವರಿಗೆ ಗೊತ್ತಾಗುವುದೇ ಇಲ್ಲ, ಆಗ ಅವರು ಸಮಯ ನೋಡಿದರೆ ಸರಿ ಸುಮಾರು ೫ ಗಂಟೆ ಜಾವ ಆಗಿರುತ್ತೆ. ಈ ಹುಡುಗಿಯು ಮಾತನಾಡುವಾಗ ಅವರ  ಮುಂದೆ ಆಗುವ ಮಗುವಿಗೂ ನಾಮಕರಣವನ್ನ ಆ ರಾತ್ರಿನೇ ಇಟ್ಟಿರುತ್ತಾರೆ, ಅವರದೇ ಆದ ಲೋಕದಲ್ಲಿ ತೇಲಾಡುತ್ತ ತುಂಬಾ ಸಂತೋಷ ದಿಂದ ಕಾಲವನ್ನು ಕಳೆಯುತ್ತಾರೆ,ಅವರು  ತಮ್ಮ ಮುಂದಿನ ಭವಿಷ್ಯದ ಕಡೆಗೆ ಸ್ವಲ್ಪ ಕೂಡ ಗಮನವನ್ನ ಹರಿಸುವುದಿಲ್ಲ. ಆದರೆ ಇಲ್ಲಿ ಬಲಿ ಪಶುವಾಗುವರು ತುಂಬಾ ಹುಡುಗರು ಹೆಚ್ಚು..  

ಮೊಬೈಲ್ ಬಂದ ಬಳಿಕ ಹುಡುಗಿಯರು ಬದಲಾಗುವುದು ಅವರ ಜಾಯಮಾನ ಅದು ಅವರ ಹುಟ್ಟುಗುಣ, ರಾತ್ರಿಯಲ್ಲ ಒಬ್ಬನ ಜೊತೆ ಮಾತಾಡಿಕೊಂಡು ಮತ್ತೆ ಮಾರನೆ ದಿನ ರಾತ್ರಿ ಇನ್ನೊಬ್ಬನ ಜೊತೆ ಮಾತಾಡುವುದು ಅವರು ನಡಿಸಿಕೊಂಡು ಬಂದಿರುವ ಪದ್ಧತಿ. ಅವರು ಎಷ್ಟು ಸಿಮ್ ಕಾರ್ಡ್ ಇಟ್ಟಿರ್ತಾರೆ ಅಂತ ಅವರಿಗೆ  ಗೊತ್ತು ಪಾಪ ಪ್ರೀತಿಗೆ ಬಿದ್ದ ಈ ಮುಗ್ದ ಹುಡುಗನಿಗೆ ಈ ವಿಷಯ ಅರ್ಥವಾಗುವುದಿಲ್ಲ. ಈತ ಯಾಕೆ ನೆನ್ನೆ ನನ್ನ ಹತ್ರ ಮಾತನಾಡಲಿಲ್ಲ ಅಂತ ಕೇಳಿದ್ರೆ ಈಕೆ ನಯವಾಗಿ ಜಾರುತ್ತಾಳೆ. ನಮ್ಮ ಅಮ್ಮ ನನ್ನ ಜೊತೆ ಮಲಗಿದರು ಅಂತ ಯಾವುದೊ ನೆಪ ಹೇಳಿ ಹುಡುಗನಿಗೆ ಸಂದೇಹ ಬರದಂತೆ ನಡೆದು ಕೊಳ್ಳುತ್ತಾಳೆ.

ಆ ಹುಡುಗ ಪ್ರತಿ ದಿನ ಅವಳನ್ನ ಹೆಚ್ಚಾಗಿ ಪ್ರೀತಿಸ  ತೊಡಗುತ್ತಾನೆ  ಆದರೆ ಅವಳು ಅವನ ಮನಸನ್ನ ಅರ್ಥನೇ ಮಾಡಿಕೊಳ್ಳುವುದೇ ಇಲ್ಲ.. ಸುಮ್ಮನೆ ಆಕರ್ಷಣೆಗೆ ಬಿದ್ದ ಈ ಹುಡುಗಿ ಮತ್ತೆ ಯಾರನ್ನೋ ನೋಡಿ ಅವರಿಗೆ ಫೋನ್ ಮಾಡ್ತಾ ಇರ್ತಾಳೆ.. ಆಗ ಮೊದಲು  ಪ್ರೀತಿಸಿದವನಿಂದ ದೂರ ಸರಿಯಲು ಕಾರಣಗಳನ್ನ ಹುಡುಕುತ್ತ  ಹೋಗ್ತಾಳೆ , ಅವರಿಗೆ ದೂರವಾಗಲು ಯಾವುದೊ ಸ್ವಲ್ಪ ನೆಪ ಸಾಕು. ಚಿಕ್ಕ ವಿಶಯವನ್ನು  ದೊಡ್ಡದಾಗಿ ಮಾಡಿಕೊಂಡು ಆ ಹುಡುಗನಿಂದ ದೂರ ದೂರ ಹೋಗುತ್ತಾಳೆ .. ಈ ರೀತಿ ಮಾಡಿದರೆ ಹುಡುಗನಿಗೆ ಏನು ಆಗಬೇಕು ಪ್ರೀತಿಗೆ ಬಿದ್ದ ಹುಡುಗನಿಗೆ ಸಿಕ್ಕಿದ ಪ್ರತಿ ಫಲ ಇದೇನಾ...?  ಈ  ಹುಡುಗ ಮುಂದೆ  ಏನು ಮಾಡಬೇಕು ಹೇಳಿ..?

ಈ ರೀತಿ ಪ್ರೀತಿ ಯಾಕೆ ಮಾಡಬೇಕು ಅಲ್ವಾ..ಹುಡುಗನಿಗೆ ಆಗುವ ನೋವು ಅವರಿಗೆ ಹೇಗೆ ಅರ್ಥ ಆಗಬೇಕು.. ಪ್ರೀತಿ ಮಾಡೋದು ಸುಲಭ ಆದರೆ ಅವಳು ಬಿಟ್ಟಾಗ ಬರುವ ವೇತನೆ ಯಾರಿಗೆ ಅರ್ಥ ಆಗುತ್ತೆ. ಅಷ್ಟರಲ್ಲಿ  ಏನೋ ಏನೋ ಕನಸನ್ನ ಕಾಣುತ್ತಿದ್ದ ಹುಡುಗ ಮಂಕಾಗಿ ಹೋಗುತ್ತಾನೆ. ಜೀವನ ಇಷ್ಟೇನಾ ಅಂತ ಸುಮ್ಮನೆ ಚಿಗುರಿದ ಆಸೆಗಳನ್ನು  ಚಿವುಟುತ್ತ ಅವನದೇ ಆದ ಲೋಕದಲ್ಲಿ ಬದುಕುತ್ತಾನೆ.  ಬುದ್ದಿ ಕಲಿತ ಹುಡುಗರು ಈ ಮೊಸಗಾರ್ತಿಯರಿಂದ ದೂರ ಇರುವುದು ಒಳಿತು.... 

ಇಂತಿ ನಿಮ್ಮ ಪ್ರೀತಿಯ...

ವೀರೇಶ್ ಶಿವಣ್ಣ